Supervisor di Linen i Ünifòrm (Fultaim)
Un Supervisor di Linen i Ünifòrm ta supervisá e distribushon di tur paña di kama i üniòrm, garantisando un kòntròl di inventario eksakto i un operashon efisiente. Bo ta supervisá e personal, mantené e áreanan di depósitonan organisá i bo ta prepará rapòrtnan pa chèk uso, kambio i nivel di stòk.
Kiko bo ta bai hasi?
Mantenshon eksakto di régistro di tur paña di kama i ünifòrm, kondusí konteo di inventario periódikamente i kontrolá e nivel di uso di stòk pa prevení falta di material.
Distribushon di paña di kama i ünifòrm limpi na e departamentu i empleadonan, generalmente dor di un sistema di kòntròl kaminda pañanan usá ta keda interkiambiá pa limpi. Maneho tambe di e sistema di kòntròl di ünifòrm pa personal nobo.
Supervisashon di e personal di linen, asigná tareanan i garantisá ku e departmentu di linen ta limpi, organisá i ta operá di un manera efisiente.
Prepará diariamente i mensualmente rapòrtnan tokante uso di linen i raportá ora ta nesesario si esakinan mester keda deshasí òf remplasá.
Bo perfil:
Supervisor di linen i ünifòrm ku 2 aña di eksperensia den operashon di labanderia.
Preferibel un diploma den hospitalidat.
Ta rekerí dominio di kòmpüter ku un mínimo di 1 aña ku eksperensia den ròl di supervishon of lider di trabou.
Konosementu den proseso di labanderia, eliminashon di mancha, mantenshon di ekiponan i kòntròl di kalidat ta esensial.
Kapasidat pa hasi tareanan físíko manera karga òf move ophetonan pisá ta nesesario.
Abilidat pa keda pará, kana i traha den diferente kondishon manera espasio chikí òf suela irregular tin bia ta nesesario.
Ta rekerí un nivel básiko di ingles.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.