Resepshonista di Spa (Fultaim)
Komo un Resepshonista di Spa, bo ta risibí e huéspetnan kordialmente i bo ta sòru pa un komienso i un final agradabel i relahante pa nan eksperensia den spa. Bo ta manehá sitanan, registro di huéspetnan i sòru pa pagonan tuma lugá korektamente i kuidadosamente. Bo atenshon pa detaye, ta garantisá un resepshon ordená i organisá i un komunikshon ku fluides entre e huéspetnan i e personal di spa.
Kiko bo ta bai hasi?
Risibí huéspetnan kordialmente, registrá nan entrada i sálida, i bo ta duna un impreshon positivo for di kuminsmentu te final.
Manehá e sitanan di spa pa medio di un software di reservashon, ku ta inkluí reservashon, modifikashon i kanselashon di servisio.
Mantené registro di kliente, kontesta telefòn, i atendé tur transakshon di pago, inkluso prosesá pagonan kèsh i di tarheta di krédito.
Mantené e resepshon limpi i ordená, ehekutá kòntròlnan di inventario, hasi pedido di suministro. Mester garantisá tambe ku e personal tin un skèdjel aktualisá.
Bo perfil:
Ta altamente balorá i tin preferensia mayoria bia, eksperensia previo den kualkier funshon di atenshon na kliente, manera den benta òf komo asistente atministrativo.
Eksperensia spesífiko den Horeca ta un plùs.
Ta obligatorio pa tin konosementu di kòmpüter, inkluso di software di maneho di hotèl (PMS) i programanan standart di office.
Abilidat ekselente di komunikashon oral i por eskrito ta esensial pa interaktuá ku huéspetnan i personal.
Kapasidat pa realisá táreanan multiple i keda organisá bou di preshon ta fundamental.
Representabel.
Dominio di ingles.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.