Supervisor di Paisahe (Hardinero)
(Fultaim)
Komo un Supervisor di Paisahe (Hardinero) bo ta liderá i entrená e tim di hardineria, asigná tareanan diario i sigurá ku e prestashon ta riba un kalidat haltu.
Bo ta plania i supervisá tur aktividat di mantenshon di hardin: korta yerba, snui, planta i mas. Pa mantené e propiedat den un bon estado henter aña. Bo ta manehá suministro, presupuesto, i proyektonan spesial, pa garantisá ku tur espasio eksterno ta kumpli ku e standartnan di ekselensia di hotèl i ta mehorá e eksperensia di e huéspetnan.
Kiko bo ta bai hasi?
Supervisá i entrená e personal di hardineria, asigná tareanan diario i kondusí evaluashonnan di prestashon.
Krea i implementá skèdjel pa tur aktividat di mantenshon di hardin, manera korta yerba, drecha rant, fertilisá, snui i hasi rotashon di mata pa sigurá beyesa henter aña.
Bo ta kondusí inventario, ordená suministronan (mata, ekiponan, kímiko) i manehá presupuesto pa material i labor.
Supervisá proyektonan spesial i di instalashon nobo, pa garantisá ku esakinan ta keda ehekutá efektivamente i ta kumplí ku e standartnan di hotèl.
Supervisá i ehekutá tur operashon di hardin pa mantené e estétika i funshonalidat di e terenonan.
Bo perfil:
Supervisor di Paisahe (Hardinero) ku mínimo 3 aña den hardineria i mantenshon di terenonan.
Konosmentu fuerte den práktikanan di hortikultura, kuido di mata, prinsipionan di diseño di paisahe, i sistema di irigashon.
Preferibel eksperensia den un ambiente di hotèl òf resòrt ku eksperensia previo den supervishon.
Konosmentu básiko di ingles.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.