Hefe di IT (Fultaim)
Un Hefe di IT ta supervisá henter e sistema di hotèl pa garantisá un operashon teknológiko ku fluides, sigur i konfiabel. Bo ta brinda sosten na e personal i tur huéspet ku problema tékniko, mientras bo ta manehá e ret, hardware, software i seguridat sibernétiko. Ku un liderasgo sólido, bo ta guia e tim di Informashon Teknológiko (IT) i bo ta implementá inovashon ku ta alsa efisiensia i eksperensia di e huéspetnan.
Kiko bo ta bai hasi?
Bo ta responsabel pa henter e infrastuktura teknológiko di hotèl, garantisando un funshonamentu ku fluides i sigur pa brinda sosten na e personal i e huéspetnan.
Bo ta sigurá funshonamentu korekto di tur e sistmanan, inkluso e sistema pa manehá propiedat (PMS), punto di benta (POS) i entretenimentu den e kambernan (IPTV).
Bo ta brinda sosten tékniko i solushoná problemanan di personal i huéspet i asuntonan di hardware, software i ret.
Manehá i mantené e retnan, servernan, workstation i otro harwarenan di hotèl.
Implementá maneho i prosedurananan di seguridat pa protehá datonan, garantisá kumplimentu ku reglanan i manehá backups i rekuperashon di desaster.
Plania i ehekutá na tempu i den presupuesto, proyektonan di Informashon Teknológiko (IT), manera aktualisashon di sistema, implementashon nobo i migrashon.
Kordiná ku bendedonan eksterno pa servisionan manera internet, software i mantenshon di hardware.
Mantené un inventario eksakto di tur pèrmit di hardware i software di IT.
Manehá e presupuesto di departamentu di IT i kolaborá ku tim di maneho superior riba nesesidat di kapital i e ophetivonan teknológiko.
Evaluá teknologianan nobo pa indentifiká oportunidatnan pa mehorá e efisiensia i eksperensia di e huéspetnan, pa aliniá teknologia ku e ophetivonan komersial di hotèl.
Liderá i manehá e tim di Informashon Teknológiko (IT), dor di ofresé guia, orientashon i oportunidatnan di desaroyo profeshonal.
Promové un ambiente laboral kolaborativo i inovativo.
Desaroyá i implementá programanan pa aumentá kapasidat tekniko di empleado di IT.
Bo perfil:
Ta rekerí un grado di Estudio Superior (HBO) den siensia di informátika, Informashon Teknológiko òf un área similar.
Mester tin konosementu profundo di sistema di maneho di informashon di hotèl, manera sistema di maneho di propiedat (PMS), punto di benta (POS), i otro softwarenan ku ta krusial pa operashon di un hotèl.
Mester ta kapas pa por manehá un eskala amplio di infrastruktura di hotèl, inkluso kòmpüter, retnan, wifi, televishonnan pa huéspet i sistemanan di telefòn.
Ta rekerí eksperensia pa manehá un tim asta riba nivel di junior.
Bo enfoke ta pa brinda un servisio ekselente tantu na e huéspetnan komo e personal interno. Esaki ta esensial pa eksito den e sektor di hospitalidat.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.