Mènedjer di Higiena (Fultaim)
Komo Mènedjer di Higiena, bo ta implementá i apliká protokòlnan di limpiesan i higiena. Bo ta desaroyá un Prosedura Standart di Operashon i bo ta sigurá ku e hotèl ta kumpli kompletamente ku regla- i normanan lokal di higiena.
Bo ta realisá inspekshon riba un base regular, entrená e personal riba e mihó práktikanan di higiena i bo ta manehá risíkonan preventivamente pa asina mantené e standart haltu di limpiesa i e seguridat di alimento.
Kiko bo ta bai hasi?
Implementá i apliká protokòlnan di limpiesa i higiena, desaroyá Prosedura Standart di Operashon pa asina garantisá ku ta kumplí kompletamente ku regla- i normanan lokal di higiena.
Realisá inspekshonnan periódikamente den tur área, spesialmente kushina, puntonan di benta di alimento i bebida, pa identifiká riesgonan i garantisá limpiesa, kontrolá i verifiká mantenshon di ekiponan, hasi ouditoria pa Brand Standard Audits (BSA).
Entrená henter e personal relevante, inkluso empleadonan nobo i eksistente riba e manera korekto pa atendé ku kuminda, higiena i páktikanan sanitario. Tambe bo ta duna guia di kapatisashon na e ekipo di Steward.
Identifiká i korehí rísikonan potensial di higiena den diferente operashon di alemimento i tuma medidanan preventivo.
Mantené i manehá tur registro ku tin relashon ku e programa di higiena di hotèl, inkluyendo plan di Hazard Analysis and Critical Control Points (HACCP), rapòrtnan di ouditoria i registro di kapasitashon.
Bo perfil:
Mènedjer di Higiena i Kalidat ku un mímimo di 2 òf 3 aña di eksperensia den e sektor hotèlero òf sektor di HORECA
Responsabilidatnan ta inkluí maneho di kalidat i higiena, meskos normanan di seguridat di alimento, ouditoría di higiena di alimento i proseduranan di salú seguridat.
Formashon i eksperensia ku Hazard Analysis and Critical Control Points (HACCP) i sertifikashon di Seguridat di Alimento ta obligatorio.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.