Commis Chef Butcher (Fulltime)
Komo "Commis Chef Butcher" (Asistente di Karnisero), bo ta sostené e Karnisero den preparashon i prosesamentu di karni, piska i otro produktonan di proteina, asegurando kalidat, seguridat alimentario i e mas haltu estandarnan di higiene. Bo ta mantené un puesto di trabou limpi i bon organisá, sigui e regulashonnan di HACCP i kontribuí na un operashon efisiente ku ta sostené e ekipo kulinario i enrikesé e eksperensia di nos wéspet.
Kiko bo ta bai hasi?
Yuda e Karnisero ku preparashon, porshonamentu i prosesamentu di karni, piska i otro produktonan di proteina di akuerdo ku e spesifikashonnan establesí.
Yuda ku marká i warda produktonan di proteina di manera korekto.
Mantené registronan di peso, rendimentu i inventario bou di guia di e Karnisero.
Asegurá ku tur produktonan di proteina ta wardá, marká i rotá korektamente di acuerdo ku FIFO i regulashonnan di seguridat alimentario.
Mantené un puesto di trabou limpi, bon organisá i higiéniko durante produkshon i despues di servisio.
Limpia i sanitisá mashin, tabla di korta, i otro ekipo di trabou despues di uso.
Kontrolá temperatura di e área di refri i raportá kualke irregularidat na e Karnisero.
Eliminá deshechonan i resto di karni i piska di akuerdo ku e regulashonnan aplikabel.
Raportá falta di produkto, problema ku ekipo òf preokupashonnan tokante seguridat alimentario.
Traha den estrecho kolaborashon ku e Karnisero i e ekipo kulinario pa garantisá un operashon efisiente.
Bo perfil:
Interes den kulinaria òf den e profeshon di karnisero i deseo sincero pa desaroyá un karera profesional.
Konosementu básiko di higiene, seguridat alimentario i proseduranan di kushina.
Konosementu básiko di diferente sorto di karni, piska i manera korekto di warda kuminda ta un bentaha.
Eksperensia den un kushina òf den sektor di hospitalidat ta un bentaha.
Aktitut positivo, deseo pa siña i un bon bista pa detaye.
Bon abilidat pa traha den ekipo.
Disponibel pa traha den turno, fin di siman i dianan di fiesta.
Físikamente apto pa manehá karga pisá i traha den un ambiente friu.
Pèrmit balido di GGD òf dispuesto pa obtené esaki.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.