Commis Chef (Fulltime)
Komo "Commis Chef", bo ta sostené e ekipo kulinario den preparashon i presentashon di plato di kalidat haltu, siguiendo reseta i e mas haltu estandarnan di seguridat alimentario. Bo ta mantené un puesto di trabou limpi i bon organisá, sigui e regulashonnan di HACCP i higiene, i kontribuí na preparashon di plato ku ta enrikesé e eksperensia di nos wéspet.
Kiko bo ta bai hasi?
Yuda ku preparashon di ingrediente, kortamentu, porshonamentu i preparashon di plato bou di guia di e "Chef de Partie" i "Demi Chef de Partie".
Prepará "mise en place" i sigui tur reseta standarisá pa garantisá konsistensia den kalidat i presentashon.
Yuda ku preparashon di plato di akuerdo ku e standartnan di TUI BLUE Curaçao.
Asegurá ku ingredientenan i produktonan final ta wardá, marká i rotá korektamente di acuerdo ku FIFO i regulashonnan di seguridat alimentario.
Mantené un puesto di trabou limpi, bon organisá i higiéniko durante produkshon i despues di servisio.
Limpi i sanitisá ekipo, utensilio i otro material di trabou despues di uso.
Manehá ingredientenan ku kuidou pa minimalisá desperdisio i raportá falta di ingredientenan, problema ku ekipo òf preokupashonnan tokante seguridat alimentario.
Traha den estrecho kolaborashon ku e ekipo kulinario pa garantisá plato di kalidat haltu i un operashon efisiente.
Sigui instrukshonnan di superiornan i sigui desaroyando bo konosementu i abilidatnan kulinario.
Bo perfil:
Pashon pa kulinaria i deseo sincero pa desaroyá un karera profesional den e profeshon.
Konosementu básiko di higiene, seguridat alimentario i proseduranan di kushina.
Un diploma òf estudio den kulinaria ta un bentaha.
Eksperensia den un kushina òf den sektor di hospitalidat ta un bentaha.
Aktitut positivo, deseo pa siña i un bon bista pa detaye.
Bon abilidat pa traha den ekipo.
Disponibel pa traha den turno, fin di siman i dianan di fiesta.
Pèrmit balido di GGD òf dispuesto pa obtené esaki
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.