Chef de Partie (Fulltime)
Komo "Chef de Partie", bo ta responsabel pa lidera un sekshon asigná den e kushina i pa prepará plato di kalidat haltu ku konsistensia, kreatividat i atenshon pa detaye. Bo ta supervisá i guia Commis Chefnan, asegurá ku tur regulashonnan di HACCP i seguridat alimentario ta wòrdu sigui, i kontribuí na un eksperensia kulinario ekselente pa nos wéspet.
Kiko bo ta bai hasi?
Prepará i presentá tur plato asigná di akuerdo ku reseta, porshon i standartnan di presentashon di TUI BLUE Curaçao.
Lidera e operashonnan diario di bo sekshon i asegurá ku tur "mise en place" ta kla promé ku servisio kuminsá.
Supervisá, guia i sostené Commis Chefnan den nan desaroyo profesional.
Yuda ku entrenamentu di miembro nan nobo di e ekipo kulinario.
Monitor nivel di stòk, raportá falta di ingredientenan i minimalisá desperdisio dor di un bon planifikashon i maneho di produkto.
Asegurá ku tur ingredientenan i produkto final ta wardá, marká i rotá korektamente di acuerdo ku FIFO i regulashonnan di seguridat alimentario.
Monitor temperatura, kalidat i presentashon di tur plato ku ta sali for di bo sekshon.
Raportá problema ku ekipo, falta di material òf preokupashonnan tokante seguridat alimentario.
Mantené un puesto di trabou limpi, bon organisá i higiéniko durante produkshon i despues di servisio.
Traha den estrecho kolaborashon ku e "Sous Chef", "Demi Chef de Partie" i resto di e ekipo kulinario pa garantisá un operashon efisiente.
Bo perfil:
Diploma den kulinaria òf un entrenamentu profesional ekivalente.
Mínimo 2–4 aña di eksperensia den un kushina profesional ku ta mustra progreso den bo karera.
Bon konosementu di téknikanan kulinario, presentashon di plato i prinsipionan di seguridat alimentario.
Eksperensia den un hotèl, resort òf otro ambiente di hospitalidat ta un bentaha.
Bon abilidatnan di liderazgo, komunikashon i organisashon.
Aktitut positivo, sentido di responsabilidat i un bon bista pa detaye.
Disponibel pa traha den turno, fin di siman i dianan di fiesta.
Sertifikashon HACCP òf dispuesto pa obtené esaki.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.