Bèlboy / Pòrtir (Fultaim)

Komo un Bèlboy / Pòrtir bo ta krea e promé impreshon, dor di asistí e ku su maleta, kompañá e huéspet pa su kamber i duna informashon tokante e servisionan ku e hotèl ta brinda i tambe di atrakshonnan lokal. Bo ta garantisá komodidat di e huéspet i bo ta atendé enkargo- òf mensahenan. Garantisá i mantené e ambiente di lòbi agradabel anto organisá.

Kiko bo ta bai hasi?

Bo ta transpòrtá e maletanan na kamber i bo ta atendé ku e garoshi di maleta. 

Bo ta risibí, guia, kompaña e huéspet na kamber anto bo ta duna un orientashon kòrtiku di kamber i tambe di e fasilidatnan di hotèl.

Bo ta kontestá preguntanan general di hotèl i tambe di áreanan lokal. Bo ta atendé ku enkargonan, manera regla taksi, entregá mensahenan i atendé ku paketenan.

Bo ta asistí na nesesidatnan òf petishonnan spesial, anto bo ta garantisá komodidat i seguridat di e huéspet.

Bota responsabel tambe di e mantenshon i limpiesa di e lòbi ku e área di entrada.

Bo perfil:

Bèlboy / Pòrtir di un hotèl ku un mínimo di 1 aña di eksperensia.

Servisio di kliente ekslente, bon kondishon físiko i habilidat pa komuniká.

Ta rekerí mínimo un diploma di Estudio Sekundario.

Kapasitá pa hisa i transpòrtá maletanan pisá ta obligatorio.

Habilidat ekselente pa brinda un servisio amabel, respetuoso i servisial ta krusial.

Presentashon personal ekselente.

Un aktitut profeshonal i amabel ku pasenshi pa keda trankil bou di preshon ta esensial.

Loke nos ta ofresé:

Transpòrte di un lugá designá pa trabou i visevèrsa.

Kompensashon di dianan di vakansi. 

Bónùs pa prestashon i rekonosementu.  

Areglo di penshun. 

Alimento durante turno di trabou. 

Oportunidat di kresementu i desaroyo profeshonal.  

Kondishon ekselente di trabou i salario kompetitivo.  

Prepará pa tuma e siguiente paso den bo karera?