Plomero (Fultaim)
Komo un Plomero lo bo instalá i hasi mantenshon na e sistema di plomería, inkluso pipa, vèntilnan, asesorionan i aparatonan pa keinta awa. Lo bo rospondé lihé na emergensianan di plomeria i ehekutá mantenshonnan rutinario pa sigurá un fluho di awa i konfiabilidat di e sistema. Tambe bo ta inspekshoná e sistema di plomeria regularmente pa garantisá seguridat, efisiensia i kumplimentu ku tur regla i standartnan.
Kiko bo ta bai hasi?
Instalá pipanan, vèntilnan, asesorionan, laba mano, tualèt i aparatonan di keinta awa durante konstrukshon òf renobashon.
Rospondé lihé emergensianan di plomeria, manera pipanan kibrá, tualètnan ku a yena, tubunan ferstòp den kamber di huéspet i áreanan di personal.
Ehekushon di trabounan rutinario manera kontrolá i ahustá preshon di awa, inspekshoná fuga di awa i limpia drein i aparatonan di keinta awa.
Regularmente inspekshoná e sistema di plomería pa seguridat i su prestashon i sigurá ku ta kumpli ku tur kódigo i standartnan.
Bo perfil:
Plomero ku mínimo di 2 aña di eksperensia den plomería, ku un preferensia fuerte pa esun ku tin eksperensia den hotèl òf edifisio komersial grandi.
Bon konosementu den instalashon, drecha i mantenshon den sistema di plomería, inkluso distribushon di awa i dreinahe.
Abilidat fuerte pa diagnostiká i identifiká problema di plomería rápidamente.
Bon komunikashon i abilidat interpersonal pa interaktuá profeshonalmente ku koleganan i huéspetnan di hotèl.
Ingles básiko.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.