Galley Steward (Fulltime)
Komo "Galley Steward", bo ta sostené e ekipo di "Stewarding" dor di mantené un nivel haltu di limpiesa, higiene i organisashon den tur area di "back-of-house" pa garantisá un operashon di kushina sigur i efisiente. Bo ta sigui e regulashonnan di HACCP i seguridat alimentario, sostené e "First Steward", "Second Steward" i e ekipo kulinario, i asegurá ku tur ekipo, utensilio i puesto di trabou ta mantené na e mas haltu standartnan di higiene i ekselensia operashonal.
Kiko bo ta bai hasi?
Ehekutá tarea básiko di laba plato, panchi, wea i utensilionan di kushina di akuerdo ku instrukshonnan di e "First" òf "Second Steward".
Limpi i sanitisá vloer, muraya, superfisie i otro area asigná den "back-of-house".
Usa produkto di limpiesa i kemikalianan di manera sigur i di akuerdo ku e proseduranan establesí.
Asegurá ku tur plato, glas, utensilio i ekipo limpi ta wardá na nan lugá korekto i kla pa uso.
Sostené e preparashon i desmantelamentu di eventonan dor di transportá i organisá ekipo di servisio.
Eliminá deshechonan di kushina di akuerdo ku e proseduranan di maneho di deshecho di e resort.
Raportá problema ku ekipo, falta di material òf situashonnan di riesgo na e "Second Steward" inmediatamente.
Mantené un puesto di trabou limpi, bon organisá i higiéniko durante i despues di bo turno.
Traha den estrecho kolaborashon ku e ekipo di "Stewarding" i kulinario pa garantisá un operashon efisiente.
Bo perfil:
No ta nesesario tin eksperensia; entrenamentu lo wòrdu duna den e trabou.
Konosementu básiko di limpiesa, higiene personal i seguridat alimentario.
Dispuesto pa obtené karchi di GGD si esaki ta wòrdu eksigí.
Aktitut positivo, sentido di responsabilidat i deseo pa siña.
Kapasidat pa traha den ekipo i sigui instrukshonnan.
Disponibel pa traha den turno, fin di siman i dianan di fiesta.
Físikamente apto pa traha den un ambiente aktivo i pa hasi trabou físiko.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.