Junior Sous Chef (Fulltime)
Komo "Junior Sous Chef", bo ta sostené e "Sous Chef" den e maneho diario di un sekshon òf outlet den e kushina, asegurando kalidat, konsistensia i e mas haltu standartnan di seguridat alimentario. Bo ta guia i sostené e ekipo kulinario, sigui e regulashonnan di HACCP i kontribuí na un eksperensia kulinario ekselente pa nos wéspet.
Kiko bo ta bai hasi?
Sostené e "Sous Chef" den e supervishon di preparashon di "mise en place" i produkshon diario den bo sekshon.
Yuda ku maneho di nivel di stòk, hasi kontrol di inventario i prepará rekisishonnan pa ingredientenan i produkto.
Monitor porshonamentu i minimalisá desperdisio alimentario den bo sekshon.
Hasi kontrol promé ku servisio pa asegurá temperatura, kalidat i presentashon di tur plato.
Supervisá i guia "Chef de Partie", "Demi Chef de Partie" i Commis Chefnan durante ausensia di e "Sous Chef".
Asegurá ku tur reseta i standartnan di preparashon ta wòrdu sigui pa garantisá konsistensia.
Yuda ku planifikashon di turno i organisashon di e ekipo ora ta nesesario.
Sostené e entrenamentu i desaroyo profesional di miembro nan di e ekipo kulinario.
Raportá problema operashonal, problema ku ekipo òf preokupashonnan tokante seguridat alimentario na e "Sous Chef".
Traha den estrecho kolaborashon ku otro sekshonnan di kushina, "Stewarding" i e ekipo di servisio pa garantisá un operashon efisiente.
Bo perfil:
Diploma den kulinaria òf un entrenamentu profesional ekivalente.
Mínimo 2–3 aña di eksperensia den un kushina profesional ku ta mustra progreso den un funshon di supervishon.
Bon konosementu di téknikanan kulinario, operashonnan di kushina i prinsipionan di seguridat alimentario.
Eksperensia den un hotèl, resort òf otro ambiente di hospitalidat ta un bentaha.
Bon abilidatnan di liderazgo, komunikashon i organisashon.
Aktitut positivo, sentido di responsabilidat i un bon bista pa detaye.
Disponibel pa traha den turno, fin di siman i dianan di fiesta.
Sertifikashon HACCP òf dispuesto pa obtené esaki.
Loke nos ta ofresé:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.