Accounting Clerk (Fultaim)
Komo un Accounting Clerk, bo ta forma parti di nos ekipo di Finansa, kaminda bo ta yuda ku e registrashon di transakshonnan finansiero, prosesamentu di faktura i mantenementu di un administrashon korekto. Bo ta traha huntu ku koleganan di Finansa i otro departamentonan pa sòru ku e trabounan finansiero diario ta kana bon, miéntras bo ta amplia bo konosementu i eksperensia den kontabilidat.
Kiko bo ta bai hasi?
Registrá transakshonnan finansiero korektamente den sistemanan di kontabilidat i Excel.
Prosesá fakturanan di provedó, kontrolá nan i yuda prepará pagonan na tempu.
Yuda ku fakturashon, sigui pagonan di klièntnan i mantené un bon administrashon di kuentanan pa kobrá.
Kompará ekstraktonan di banko ku e registronan finansiero i yuda solushoná diferensianan.
Mantené dokumentonan i registronan finansiero bon organisá i aktualisá.
Yuda prepará rapòrtnan finansiero i suministrá dokumentonan nesesario durante auditnan interno i eksterno.
Apoyá e koleganan ku mas eksperensia i e Head of Accounting ku tareanan diario i proyektonan.
Sòru pa e trabou ta sigui e reglanan i proseduranan di kompania.
Bo perfil:
Diploma di skol sekundario òf un diploma ekivalente. Un diploma den Kontabilidat, Finansa òf un área relashoná ta un bentaha.
Konosementu básiko di kontabilidat i administrashon finansiero.
Bon konosementu di Microsoft Office 365, spesialmente Excel.
Eksperensia ku programanan di kontabilidat i PMS, manera Exact i OPERA, ta un bentaha.
Bo por papia i skirbi bon na Hulandes i Ingles. Konosementu di Spaño ta un bentaha.
Bo ta organisá, traha ku presishon i pone atenshon na detayenan.
Bo ta konfiabel, profeshonal i diskreto ku informashon konfidensial.
Bo por traha bo so, pero tambe bon den ekipo.
Bo tin un aktitut positivo, ta fleksibel i ta dispuesto pa siña kosnan nobo.
Bo perfil:
Transpòrte di un lugá designá pa trabou i visevèrsa.
Kompensashon di dianan di vakansi.
Bónùs pa prestashon i rekonosementu.
Areglo di penshun.
Alimento durante turno di trabou.
Oportunidat di kresementu i desaroyo profeshonal.
Kondishon ekselente di trabou i salario kompetitivo.